ABŞ-ın Beverli-Hills şəhərinin mərkəzində yerləşən ən məşhur və bahalı malikanələrdən biri satışa çıxarılıb.
Qadin.Net Milli.Az-a istinadən bildirir ki, malikanənin ilkin satış qiyməti 135 milyon dollardır. 1920-ci illərin sonlarında tikilmiş malikanə mediamaqnat Uilyam Rendolf Hörstə məxsusdur.
Dünya kinematoqrafiyasının tarixinə düşmüş bu malikanədə "Xaç atası" (The Godfather), "Cangüdən" (The Bodyguard) kimi filmlər çəkilib.
ABŞ-ın mərhum prezidenti Con Kennedi xanımı Jaklin ilə məhz bu malikanədə "bal ayı" keçirmişdilər.
Malikanədə xüsusi yeri memar Pol Tyenin layihəsi əsasında hazırlanmış landşaft hissə tutur. Malikanədə ikimərtəbəli kitabxana, nəhəng hovuzlar, tennis kortu, istirahət zonası, 19 yataq otağı, 29 vanna otağı, 400 qonaq üçün terraslar var.
