Filippində keçirilən ənənəvi gözəllik müsabiqəsi dünyanın hər yerindən gözəlləri toplayıb. Ənənəyə uyğun olaraq, qızlar çimərlik fotosessiyasında iştirak etmək üçün hovuz ətrafına toplaşırlar.
Qadin.Net Sputnik Azərbaycan-a istinadən bildirir ki, Birləşmiş Millətlər Təşkilatının adı altında keçirilən, ətraf mühitin müdafiəsi, eləcə də canlı təbiətin qorunmasına yönəldilmiş ənənəvi gözəllik müsabiqəsi bu il noyabrın 3-də Filippinin paytaxtı Manila şəhərində baş tutacaq.
"Yer gözəli" müsabiqəsi "Kainat gözəli", "Dünya gözəli" və "Miss İnternational"la yanaşı dünyanın ən məşhur müsabiqələrindən biridir. Qalibə "Yer gözəli" titulu verilir. İkinci, üçüncü və dördüncü yeri tutanlar müvafiq olaraq "Hava gözəli", "Su gözəli" və "Od gözəli" adlarını qazanırlar.
Ənənəyə uyğun olaraq, finala az qalmış "Yer gözəli" adı uğrunda mübarizə aparan qızlar çimərlik geyimində hovuza çıxırlar. Mətbuat işçiləri burada onlarla daha yaxından tanış ola, fotoqraflar isə şəkillərini çəkə bilərlər.