Rusiyanın məşhur müğənnisi Lolita Milyavskaya və prodüseri Yelena Kiper arasında yaranan məhkəmə çəkişməsi başa çatıb.
Qadin.Net Milli.Az -a istinadən xəbər verir ki, bu barədə sənətçi instaqram səhifəsində məlumat verib. O, vəkilinə təşəkkür edərək mübarizədə qalib gəldiyini elan edib.
Bu məqamda bildirək ki, Lolita ilə Yelena 1 il əvvəl çox yaxın rəfiqə olublar. Lakin onlar arasında maliyyə problemləri yaranıb və münasibətlərinə son qoyublar.
Lolita istehsalçının ona 6 milyon rubl borcu olduğunu iddia edərək məhkəməyə müraciət edib. Lakin qarşı tərəf bunu qəbul etməyib.
Uzun müddətdir davam edən mübarizədən sonra hakim 54 yaşlı ifaçının lehinə qərar çıxarıb.