Avqustun 16-da 77 yaşında vəfat etmiş müğənni Arita Franklinin dəfninə hazırlıqlar gedir.
Ritm-n-blyuz, soul və hospel kraliçası, dünyanın ən məşhur müğənnisi sayılan Arita Franklinin qızıl tabutu ABŞ-ın Detroyt şəhərindəki Çarlz Rayt adına Afroamerikalılar Tarixi Muzeyində (Charles H. Wright Museum of African American History) iki gün qalacaq.
Müğənni ilə vidalaşmaq istəyən on minlərlə amerikalı məhz bu muzeyə üz tutub.
Mədəaltı vəzin neyroendokrin tipli xərçəngindən vəfat etmiş müğənni dünyanın ən populyar qaradərili ifaçılarından biri idi.
Areta Franklin tabutda qırmızı dondadır, ayaqlarında da dikdaban, qırmızı rəngli tuflilər var. Bu, sənətçinin vəsiyyətinə uyğun edilib, çünki A.Franklin pərəstişkarlarının xatirəsində gözəl qalmaq istəyirdi.
Dəfn mərasimi avqustun 31-də Detroytda olacaq.
