Dünyanın ən məşhur futbolçularından biri, İngiltərə yığmasının sabiq kapitanı Devid Bekhem məhkəməyə verilib.
O, 220 min dollarlıq Bentley avtomobilində sürət həddini aşmaqda suçlanır.
Qadin.Net Milli.Az -a istinadən bildirir ki, 4 övlad atası, 43 yaşlı Devid Bekhem Londonun qərbində Paddinqton və Kensinqton səmtləri arasındakı A40 yolunda sürət həddini keçib. Yolun həmin hissəsində sürətin maksimal həddi 50 km/saat olduğu halda Bekhem avtomobilini 75 km/saat sürətlə sürüb.
Dəfələrlə xəbərdarlıq məktubları almasına rəğmən, Bekhem cəriməni ödəməyib.
Məhkəmə prosesi Londonun cənub-qərbindəki Lavender-Hill Magistrat Məhkəməsində olacaq.