Körpələrinin cinsiyyətini böyük sevinclə öyrənən Alişan-Busə Varol cütlüyü oğullarına Türkiyə prezidenti Rəcəb Tayyib Ərdoğanın böyük oğlu Burak Ərdoğanın adını qoyacaqlar.
Qadin.Net Milli.Az -a istinadən məlumat verir ki, müğənni Alişanın evlənməsi üçün səfərbər olan sənət və siyasət dünyasından ən böyük dəstək prezident Ərdoğandan gəlmişdi. May ayında baş tutan cütlüyün toyuna Rəcəb Tayyib Ərdoğan qatılmışdı. Nikah mərasiminə isə prezident xanımı Əminə Ərdoğanla qatılmışdı. Alişan-Busə cütlüyünün nikahına Rəcəb Tayyib Ərdoğan və Daxili İşlər Naziri Süleyman Soylu şahidlik etmişdi. Bununla da müğənni gec də olsa 2016-cı ildə prezidentə verdiyi sözü icra etmiş olub.
Dünən doğulacaq körpələrinin cinsiyyətini öyrənən Alişan-Busə cütlüyünün körpələrinə onları xoş günündə tək qoymayan prezident Rəcəb Tayyib Ərdoğanın böyük oğlu Burak Ərdoğanın adını qoyacaqları bəlli olub.
