Yunanıstanda baş verən yanğın faciəsi nəticəsində azı 80 nəfər ölüb, onlarla insan itkin düşüb.
Qadin.Net Milli.Az -a istinadla xəbər verir ki, itkin düşənlər arasında Yiannis Philipopoulos adlı şəxsin əkiz qızları da var. O, qızlarını axtarmaq üçün morqa DNT nümunəsi təqdim edib. Yiannis qızlarının cəsədlərini axtararkən təsadüfən onları televizorda görüb.
Görüntülərdə onun qızları qayıqda, adyala bürünmüş, üz-gözləri qap-qara hisə bulaşmış halda idi.
O, sevinclə morqdan çıxaraq qızlarını axtarmağa başlayıb. Lakin hələ də onları tapa bilməyib.
