Kraliça Yelizaveta Keyt Middltonun minməsinə icazə vermədiyi qatara yeni gəlini Meqan Marklın minməsinə icazə verib. Kraliçanın bu addımının eltilər arasında gərginliyə səbəb olacağı irəli sürülüb.
Qadin.Net publika.az-a istinadən xəbər verir ki, Şahzadə Harri ilə Meqan Marklın toyundan sonra hər kəsi kraliça Yelizavetanın gəlinləri arasında ayrı-seçkilik edib-etməyəcəyi maraqlandırırdı.
Kraliça etdiyi son hərəkəti ilə həm tərəfini müəyyən edib, həm də eltilər arasına nifaq salıb.
Məsələ ondadır ki, krallığın qaydalarına görə, Kraliçanın qatarına yalnız özü, həyat yoldaşı, oğlu Şahzadə Çarlz və onun xanımı Kamilla Parker minə bilər. 2011-ci ildə Şahzadə Uilyam ilə ailə quran Keyt Middlton isə heç vaxt qatara minməyib.
Məlum olub ki, kraliça Meqan və Şahzadə Harrini özəl tədbirə dəvət edib. Şahzadə Harri və Meqan Markl kraliçanın dəvəti ilə cümə günü qatardakı xüsusi bir tədbirə qatılacaq.
