İspaniyada yay mövsümü ərəfəsində "Bankia" bankı özünə məxsus olan 2 mindən çox daşınmaz əmlakı ucuz qiymətə satışa çıxardığını açıqlayıb.
Qadin.Net trend-ə istinadən bildirir ki, evlərin satışı iyun ayının sonunadək davam edəcək. Bəzi hallarda endirimlər 40 faizədək çatır.
Qeyd olunur ki, 600-dən çox ev Valensiyada, 500-ə yaxın Kataloniyada, eləcə də İspaniyanın digər regionlarında təklif olunacaq.
Bildirilir ki, ən ucuz ev Albasete əyalətində satışa çıxarılıb. Burada qəsəbələrdən birində evi 5 min avroya əldə etmək olar.