Stilist Anar Ağakişiyev bu dəfə Xalq artisti Gülyanaq Məmmədovanın görkəmini dəyişib.
Qadin.Net publika.az-a istinadən xəbər verir ki, şəxsi kosmetika markasını çıxartmağa hazırlaşan stilist müğənninin makiyajdan əvvəl və sonrakı görüntülərini instaqramda paylaşıb.
A.Ağakişiyev Azərbaycanın Xalq Artisti, "Leyli və Məcnun" operasında "Leyli" obrazının ən möhtəşəm ifaçılarından biri, Azərbaycan Dövlət Mədəniyyət və İncəsənət Universitetinin Muğam kafedrasının baş müəllimi olan Gülyanaq Məmmədova üçün iki obraz hazırlayıb. Birincidə Xalq artistinin qara saçlarına təbii dalğalı buruqlar edilib, digərində isə o, kürən və düz saçlı olub.
4 uşaq anası olan 44 yaşlı müğənninin obrazları maraqla qarşılanıb.