Cennifer Lopez səhnə kostyumu və qırmızı xalçaya çıxdığı ziyafət libası ilə göz qamaşdırıb.
Qadin.Net publika.az-a istinadən xəbər verir ki, “Time” jurnalı dünyanın 100 ən nüfuzlu insanlarının ənənəvi siyahısını dərc edib. Bunun şərəfinə jurnal Nyu-Yorkda möhtəşəm qala gecəsi təşkil edib. Gecədə illik reytinqin əsas qəhrəmanları: Cennifer Lopez, Aleks Rodrigez, Nikol Kidman, Emili Blant, Con Krasinski, Meqqi Kelli və başqaları iştirak edib.
İlin ikonası adına layiq görülən müğənni Cennifer Lopez sevgilisi Aleks Rodrigezlə birlikdə qırmızı xalçaya çıxaraq poza verib. O, gecə üçün “Zuhair Murad” moda evindən qızılı və gümüşü bəzəklərlə işlənmiş ziyafət libası seçib. Obrazını qızılı çanta və ayaqqabılarla tamamlayan ulduzun zinət əşyaları da xüsusi diqqət çəkib.
Daha sonra 48 yaşlı ulduz səhnəyə ağappaq kürkdə çıxıb. O, möhtəşəm səhnə şousu, rəqsləri və səhnə kostyumu ilə gecənin qonaqlarını coşdurub.
