Sizcə, insan 217 kq arıqlayarsa, onun vəziyyəti necə ola bilər?
Sualın cavabını bilmək üçün ABŞ-ın Florida ştatındakı Pasko bölgəsində yerləşən Lend-o-Leyks şəhərciyində yaşayan 36 yaşlı Sel başına gələnləri, daha doğrusu, başına gətirdiklərini TLC telekanalındakı "Skin Tight" proqramına danışıb.
Qadin.Net Milli.Az-a istinadən bildirir ki, Sel izafi çəkisindən qurtulmaq üçün 4 il əvvəl məşqlərə və pəhrizə başlamışdı.
4 il əvvəl onun çəkisi 312 kq idi.
O, sürəkli arıqlayıb və sonucda 217 kq-dan qurtulub.
Dərisi sallanan, hətta qat-qat burulan və bükülən Sel bu problemi həll etmək üçün plastik cərrahiyyə əməliyyatlarına məruz qalıb.
Son əməliyyatda onun dərisinin 16 kiloqramlıq hissəsi kəsilib götürüldü.
Selin sözlərinə görə, onun mədəsinin ölçüləri cərrahiyyə əməliyyatları nəticəsində kiçildilib.
"Dərim sanki parçadır. Əl vururam, titrəyir. Sallanır, qatlanır. Yeni əməliyyata ehtiyacım var", - Sel söyləyib.
