"Samsung" şirkəti növbəti qabaqcıl "Galaxy S10" smartfonunda ön kameranı displey matrisasına quraşdırmağı planlaşdırır. Yenilik sayəsində şirkət ekranın işçi səthini genişləndirə biləcək. Bu barədə Cənubi Koreya KİV-i məlumat verib.
Qadin.Net Milli.Az -a istinadən bildirir ki, istehsalçı nümayəndələrinin sözlərinə görə, kamera ekran üstündə ənənəvi yerində quraşdırılmasa, bu, displeyin əhatə etdiyi yerin 97 faizini işçi səthinə çevirməyə imkan verəcək. Bundan əlavə, kamera ilə yanaşı, ekrana işıqlandırma və yaxınlaşma ötürücülərinin quraşdırılması nəzərdə tutulur.
Qeyd olunur ki, hazırda stabil fəaliyyət göstərməyən texnologiyanın üzərində tamamlama işləri aparılır.
Yeni "Samsung Galaxy S10" smartfonunun 2019-cu ilin fevralında satışa çıxarılacağı gözlənilir.