Feysbuk Kambric Analitik Şirkətinin 87 milyona yaxın istifadəçinin şəxsi məlumatlarını icazəsiz ələ keçirdiyini açıqlayıb.
Qadin.Net xəbər verir ki, Feysbuk Kembric Analitik Şirkəti tərəfindən 87 milyon sosial şəbəkə istifadəçisinin məlumatlarının qeyri-qanuni şəkildə istifadə edildiyini bəyan edib.
Xatırladaq ki, Feysbukun qurucusu Mark Zükerberq dünyanı çalxalayan qalmaqalla bağlı açıqlamasında səhvə yol verdiklərini etiraf edib. ABŞ-da prezident seçkiləri və Breksit səsverməsi zamanı milyonlarla Feysbuk istifadəçisinin şəxsi məlumatlarından istifadə edilməsinin ortaya çıxması ABŞ-da böyük qalmaqala səbəb olub. Zükerberqin ABŞ Konqresində ifadə verəcəyi və Avropa İttifaqı vətəndaşlarının şəxsi məlumatlarının təhlükəsizliyinə dair dinləmələrdə iştirak edəcəyi gözlənilir.