Avropa İttifaqının (Aİ) ədliyyə üzrə komissarı Vera Yurova istifadəçilərin şəxsi məlumatları ilə bağlı qalmaqalla üzləşən "Facebook" sosial şəbəkəsinə qarşı sərt tədbirlər görüləcəyini bəyan edib.
Qadin.Net APA-ya istinadən bildirir ki, V. Yurova "Bild am Sonntag" nəşrinə müsahibəsində deyib ki, 50 milyon "Facebook" istifadəçisinin şəxsi məlumatlarının sui-istifadə edilməsi tamamilə qəbuledilməzdir.
Komissar "Facebook" rəhbərliyindən vəziyyətlə bağlı rəsmi açıqlama tələb edib: "Mən "Facebook" rəhbərliyindən tələb edirəm ki, bu qalmaqalın Avropadakı istifadəçilərə nə dərəcədə təsir etməsinə aydınlıq gətirsin".