"Royal Caribbean International" şirkətinin "Symphony of the Seas" gəmisi artıq istifadəyə hazırdır.
Qadin.Net Milli.Az-a istinadən bildirir ki, dəyəri 1,35 milyard dollar olan kruiz gəmisinin çəkisi 228 min ton, uzunluğu 362 metrdir.
İnşası 2 il davam edən gəmi 8 min nəfərlik tutuma malikdir. Laynerin 2 min nəfərlik heyəti var.
Dünyanın ən böyük sərnişin gəmisi və kruiz layneri sayılan "Symphony of the Seas"-ın 18 göyərtəsində çoxsaylı restoranlar, barlar və əyləncə məkanları var.
Fransadakı STX tərsanəsində inşa olunmuş "Royal Caribbean"ın sayca 25-ci gəmisi bu ayda Aralıq dənizində olacaq.
Noyabrın 24-də isə gəmi ABŞ-ın Mayami şəhərinin limanına yolanacaq, oradakı A terminalından Karib hövzəsinin şərq və qərb hissələrinə 8 günlük səfərlər edəcək.