"Kimə sual versən, pilates və yoqayla təmizləndiyini deyir. Lakin bunu praktikada görmürük. Bu işlər ayaq açmaqla olmur, beynini təmizləmək gərəkdir".
Qadin.Net publika.az-a istinadən xəbər verir ki, bu sözləri Neslihan Atagül deyib. O, fotoqraf Aydan Alpünün Yutub kanalının qonağı olub. Çəkiliş fotoqrafın evində baş tutub.
"Kamera qarşısında başqa bir obrazı oynamaq mənim işimdir. Kamera qarşısında Neslihan olanda gərginləşirəm və utanıram. Başqa bir xarakteri canlandırmaq daha rahatdır", - deyə Neslihan bildirib.
Kadir Doğulu ilə evli olan Atagül “Uşaq düşünürsünüz?” sualına "Yəqin ki, nə vaxtsa ana olacağam. Bu işlər planlımı olur? Bilmirəm. Hər halda evliyiksə, övlad sahibi də olarıq, uşaqları sevirəm".
Alpünün "Uşaq sənə güzgü tutur" fikrinə aktrisa "Xəyalını qurmadığım arzudur. Analıq hissinin nə olduğunu bilməsəm də, ana-ata olmağı kim istəməz ki?”
Aktrisa sözlərinə belə davam edib: “İnsan özünə “Uşaqlar üçün, dünya, ya da bir başqası üçün nə edə bilərəm?” sualını verməlidir. Bir şey edə bilmərəm deyirsən, amma bəlkə də var. Düşünmək çox dəyərlidir. İnsanları gözəl düşünməyə təşviq etməliyik".
Aktrisa son illərdə dəbə minən yoqa və pilates haqqında da fikirlərini paylaşıb:
"Kimə sual verirsən, şəxsi inkişaf, pilates, yoqa ilə məşğuldur. Amma biz bunu praktikada görmürük. Yoqada ayaq açmaqla təmizlənmirsən. Beynini də təmizləmək gərəkdir".