Qadin.NET / Jerard Depardye Afrikaya köçür

Jerard Depardye Afrikaya köçür

Jerard Depardye Afrikaya köçür


2013-cü ildə Rusiya Federasiyasının vətəndaşlığını qəbul edərək qonşu ölkəyə köçən 66 yaşlı fransız aktyor Jerard Depardye indi də Şimalı Afrikaya üz tutmaq niyyətindədir.

Qadin.Net Milli.Az  -a istinadən xəbər verir ki, aktyor bu dəfə Əlcəzairdə məskunlaşmaq niyyətindədir.

Fransız dərgilərindən birinə müsahibə verən ulduz bildirib ki, tez-tez ziyarətə getdiyi ölkəyə birdəfəlik köçür:

"Əlcəzairi möhtəşəm bir ölkə olduğu üçün seçmişəm. Onun xalqı da ağıllı və qonaqpərvərdir".

Xatırladaq ki, daha öncə Jerard Əlcəzairdə 50 hektarlıq üzüm bağının olduğunu söyləyib.
Qeyd edək ki, vergilərin yüksəlməsi ilə əlaqədar Depardye Fransa vətəndaşlığından imtina edərək Rusiya vətəndaşlığını qəbul etmişdi.

Lakin bir müddət sonra aktyor Belçikada məskunlaşıb. Onun Rusiyadan köçməsinə səbəb kimi adı çəkilən ölkədə iqtisadi böhrana tab gətirmədiyi və oradakı həyat tərzinə uyğunlaşa bilmədiyi göstərilirdi.

23 fevral 2018
GO BACK