Həyatımın ən unudulmaz günlərindən biridir. Həyətə çıxdım, küçədə gəzişdim. Çox sevinirəm.
49 yaşlı amerikalı Çitoka Layt, gerçəkdən də, sevinir. Çünki son 4 ildə ilk dəfədir ki, otağından çıxıb, küçədə dolaşıb.
Qadin.Net bildirir ki, Milli.Az CBS-ə istinadən bildirir ki, TLC telekanalındakı "Family By the Ton" realitği-şousuüna qatılmış Çitoka Laytın çəkisi 308,2 kiloqramdır.
Çəkisi həddən ziyadə olan bu qadın son dörd ildə evinə, daha doğrusu, yataq otağına qapalı qalıb.
Çarpayıdan dura bilmədiyi üçün otağın divarlarına çoxlu güzgülər vurulub. Çikota bu güzgülərə baxaraq gündəlik yaşamını nizamlayırdı.
Realiti-şouya qatılandan sonra arıqlamağa başlayan Çitoka hərəkətlərini intensivləşdirib, çarpayıdan düşməyə nail olub.
O, əmisi uşaqları Naomi Anderson və Dryu Stüartın yardımı ilə evi tərk edərək həkimin yanına yollanıb.
Çitokanın dediyinə görə, arıqlamaq, bu anormal çəkisindən qurtulmaq və normal vücuda yiyələnmək əzmindədir.
