Makedoniyada 400 illik tarixi olan "Vençani" festivalı başlayıb.
Qadin.Net publika.az-a istinadən xəbər verir ki, Vençani kəndinin camaatı, eyni zamanda onlar qoşulan digər insanlar müxtəlif qorxunc maskalar geyinərək yürüş keçirirlər.
Karnavalda eyni zamanda müxtəlif maska və kostyumların köməyi ilə ölkədə və ya dünyada baş verən hadisələrə də münasibət bildirirlər.
Yürüşdə xüsusilə ABŞ prezindeti Donald Tramp, ərəb şeyxlərin və eyni zamanda Makedoniya və Yunanıstan arasında baş verən hadisələri əks etdirən maska və kostyumlar seçilib.
İki gün davam edəcək karnaval sabah maska və kostyumların yandırılması ilə sona çatacaq.
