Müğənni Demet Akalın Tarsusda verdiyi konsertə geyindiyi 7 min lirəlik (təxminən 3 min 500 manat) çəkməsini ad günü olduğunu deyən fanatına hədiyyə etmişdi.
Qadin.Net Milli.Az-a istinadən bildirir ki, Duyğu Temir adlı izləyicisinin ad günü olduğunu öyrənən Demet şəxsiyyət vəsiqəsi ilə yoxlayışdan sonra çəkmələrini ona hədiyyə etmişdi. Lakin Demet gözləmədiyi vəziyyətlə üzləşib. Belə ki, Akalın fanatına hədiyyə etdiyi çəkmənin alış-veriş saytında satışa çıxarıldığını görüb. Bundan təəcüblənən müğənni İnstaqram hesabında Duyğudan ona verdiyi çəkmələrini geri qaytarmasını istəyib:
"Bəzən bəziləri, həqiqətən heç nəyə layiq deyil! Ayaq ölçümüz eynidir, dedin. Hədiyyə xatirə olaraq saxlanılar, satışa çıxarılmaz. Geri qaytar... Mən əsl qiymətini verəcək fanat taparam".
