Çin əsilli Amerika yazıçısı Ted Çanın "Sənin həyat tarixçən" adlı povesti işıq üzü görüb.
Kitab "Facebook" sosial şəbəkəsindəki ən böyük kitab təbliğatı qruplarından olan "Kitabsevərlər" hərəkatı tərəfindən çap edilib.
Hərəkatdan verilən məlumata görə, "Elm və Təhsil" nəşriyyatında çap olunan kitabın tərcüməçisi və ön sözün müəllifi şair-tərcüməçi Səbuhi Şahmursoy, redaktoru yazıçı Cavid Qədirdir.
Elmi-fantastik janrda yazılan “Sənin həyat tarixçən” povesti 1998-ci ildə işıq üzü görüb. 1999-2003-cü illərdə beş müxtəlif ədəbiyyat mükafatına layiq görülüb:
Povest əsasında "Arrival" ("Gəliş") filmi çəkilib.
Yaxın günlərdə təqdimatı baş tutacaq kitabın şüarı belədir: "Gələcəyi xatırlamağa hazırsanmı?"
Qeyd edək ki, kitabın təqdimatı 14 yanvar 14:00 da Bookzone kitab evində keçiriləcək. Giriş sərbəstdir.