Ötən ilin noyabr ayında Sevinc Abbasovanın bacısı qızı ilə olan videosu 2017-ci ildə dünya trendləri siyahısına girdi.
Qadin.Net publika.az-a istinadən xəbər verir ki, videonu isə onun qardaşı feysbuk hesabında paylaşmışdı. Nar yeyərkən qucağında uşaq olan xanım qaşığı bir müddət əlində saxlayır, uşaq isə narı yemək istəyir. Balaca ilə zarafatlaşan ailənin bu görüntüləri sosial mediada o qədər yayıldı ki, hətta dünya mediasına belə çıxmağı bacardı.
Belə ki, feysbukda 103 milyondan çox izlənilən video 2 milyon 175 mindən çox paylaşılıb. Bundan əlavə videoya 195 mindən çox rəy yazılıb.Qeyd edək ki, bu Azərbaycanda bir ilkdir.