Bakıda bəzi ticarət mərkəzlərində, mağazalarda 12 manatlıq geyim 5 dəfə baha satılır.
Qadin.Net Milli.Az-a istinadən xəbər verir ki, paytaxtda adi dərzilərin tikdiyi paltarların üzərinə dünyanın məşhur markalarının etiketini vuraraq mağazalarda satırlar.
Bu barədə Space TV-də xüsusi reportaj hazırlanıb. Reportajda qeyd olunur ki, geyimlərin İtaliya, Türkiyədən gətirildiyi deyilsə də, əslində, mallar Çindən idxal olunur.
Maraqlısı budur ki, həmin mallar Bakının məşhur "Tarqovı" deyilən ərazisində yerləşən mağazalarda da yüksək faizli endirimlərlə satılır.
Reportajda görünür ki, müxbir saxta mallar satılan mağazalara daxil olaraq satıcılardan faktura istəsə də onlar tələb olunanı göstərə bilməyiblər.