35 yaşlı Robin Makdonald İngiltərənin Staffordşir qraflığındakı "Kaversuoll" qəsrini tam bərpa edib.
Milli.Az Daily Mail-ə istinadən bildirir ki, daşınmaz əmlak biznesi ilə məşğul olan R.Makdonald qəsri 12 il əvvəl, 23 yaşı olanda 1,8 milyon funt-sterlinqə satın almışdı.
20 yataq otağı olan qəsr sonradan tam təmir və bərpa olunub.
"Sadəcə, yaxşı ev axtarırdım. Günlərin birində "RightMove"a baxırdım. Orada bir qəsr göstərdilər, Uilmslouda idi. Görən kimi bəyəndim. Bir neçə gün sonra isə həmin qəsri satın aldım", - R.Makdonald deyib.
Hazırda İngiltərədə orta əsrlərdə tikilmiş, hazırda yaşayışın olduğu 13 qəsr var.
