"İnstagram" sosial şəbəkəsində adi istifadəçilərə olduğu kimi, artıq həştəqlərə də qeydiyyat etmək imkanı yaranıb.
Qadin.Net Milli.Az -a istinadən bildirir ki, hər hansı həştəqə qeydiyyata düşdükdən sonra bu həştəqin qeyd edildiyi daha çox populyar şəkil və videolar xəbər lentində görünməyə başlayacaq. Eyni zamanda həştəqlə qeyd edilən gündəlik hadisələr dostların hadisələri yerləşən yuxarı paneldə əks olunacaq.
Bu və digər istifadəçinin dostlarına aid hadisələrin göründüyü yuxarı paneldə həştəqlər də görünəcək. Sosial şəbəkənin yeni seçimlərindən istifadə etmək üçün "İnstagram" əlavəsinin son versiyasını yükləmək gərəkdir.