Demi Baqbi ABŞ-ın Kaliforniya ştatındakı San-Dieqo şəhərində yaşayır, akrobatika, bodibildinq, fitnes və vorkautla məşğul olur.
Milli.Az TMZ-yə istinadən bildirir ki, 19 yaşlı Demi sosial şəbəkələrin ulduzudur. Onun YouTube və İnstagram-dakı akkauntlarında paylaşdığı videolarla fotolarını milyonlarla insan bəyənir.
Üç il əvvəl məşqlərdən birində yıxılaraq belindən ağır zədə alan Demiyə həkimlər tam 3 ay ərzində yeriməyi yasaqlamışdılar. O, iflic olmuş vəziyyətdə idi və əlil arabasına məhkum qalmışdı.
"Çox qorxmuşdum. Düşünürdüm ki, bir daha gəzə bilməyəcəyəm. Lakin inadım və qətiyyətim hesabına xəstəliyimə qalib gəldim, yenidən məşqlərə başladım", - Demi Baqbi söyləyib.
Fitnes ulduzu Kris Heriya 19 yaşlı Demini "dünyanın ən güclü və inadkar qızı" adlandırıb.
