İngiltərə şahzadəsi Harrinin nişanlanmağa hazırlaşdığı amerikalı aktrisa Meqan Markla qohumluq əlaqələri ortaya çıxıb.
Milli.Az xəbər verir ki, Harrinin ailəsi Meqan Markı kraliyyətə layiq bilmədiyi üçün cütlüyün münasibətlərinə qarşı çıxıb. Lakin sonradan Meqanın sevgilisi ilə ata nəslindən qohumluq əlaqələri olduğu ortaya çıxıb.
Meqan Marklın kral ailəsi ilə qohumluq əlaqələri film rejissoru olan atası Tomas Marklın anası tərəfdən başlayır.
Belə ki, 15 nəsil öncə Marklın əcdadlarından olan Ralp Bovs adlı ingilisin nəvəsi Xristofor Hassi 1632-ci ildə Amerikaya köç edib. Məhz bu nöqtədə şahzadə Harri ilə Meqan arasındakı qohumluq cücərməyə başlayıb.
Bu qohumluğun üzə çıxması cütlüyün evliliyi qarşısında olan əngəli ortadan qaldırıb.
