12 yaşlı Tarikin əllərində deformasiya var. Onun barmaqları anomal şəkildə şişib və böyüyüb.
Tarikin iki əlindəki baş və şəhadət barmaqları arasındakı məsafə artıq 30 santimetrə çatıb.
Milli.Az Daily Mail-ə istinadən bildirir ki, Hindistanın Uttar-Pradeş ştatında yaşayır. O, əllərinin anomal böyüməsi ucbatından yaşıdları ilə oynaya bilmir, məktəbə də getmir.
Tarikin dediyinə görə, əlləri yaşıdlarını qorxudur: "Məndən qaçırlar, "İblis" deyirlər".
Atası ölmüş Tariki böyük qardaşı saxlayır.
Onların xəstəliyi müalicə etmək üçün pulları yoxdur.
Çayxanada xidmətçi işləyən Tarik deyir: "Bu bəlamdan qurtulmaq istəyirəm. Yaşıdlarım kimi oynamaq, məktəbə getmək istəyirəm. Ümid edirəm ki, xəstəliyimə çarə tapılacaq, müalicə olunacam".
Tarikin qardaşı Harqyana isə söyləyib: "Məktəb rəhbərliyi dedi ki, qardaşımın əlləri başqa uşaqları qorxutduğu üçün onu dərsələrə buraxa bilməzlər. Başqa məktəblərə üz tutduq, hər yerdə eyni cavabı eşitdik. Qardaşım yemək yeyəndə, çiməndə, paltar geyinəndə əziyyət çəkir".
