İstixanan var, amma ora heç getmirsən. Sənin əvəzinə bitkilərə ancaq müasir texnologiyalar nəzarət və qulluq edir. Evində oturaraq mobil telefona yüklənmiş proqramla istixananı idarə edirsən.
Milli.Az bildirir ki, xəyal kimi görünən layihəni Neft və Sənaye Universitetinin tələbələri hazırlayıblar.
Təsərrüfatlarda və istixanalarda müasir texnologiyalardan istifadə etməklə tərəvəzlərin və güllərin yetişdirilməsinə sərf olunan zamanı və zəhməti azaltmaq mümkün olacaq.
Ağıllı istixanalar yetişdirilən məhsulun keyfiyyətinin yüksəldilməsi ilə yanaşı, məhsulun maya dəyərini aşağı salır və istehsalçının işini bir çox yöndə yüngülləşdirir.
Tələbələr artıq bütün texniki detalları labaratoriya şəraitində testdən keçiriblər.
İndi tələbələr ağıllı istixana sistemindən yararlanmaq istəyən investorların yolunu gözləyir.