Moskva Komediya Teatrı 3 və 4 iyun tarixlərində "Qırmızı papaq" adlı rəngarəng tamaşasını Azərbaycan Dövlət Akademik Opera və Balet Teatrında təqdim edib.
Milli.Az-ın məlumatına görə, tamaşada baş rolu "Papinı doçki" ("Atanın qızları") serialının ulduzu, teatr və kino aktrisası Miroslava Karpoviç oynayıb.
Çox gülməli nağıl olan uşaq komediyası Şarl Perronun məşhur nağılını yeni interpretasiyada təqdim edir. Canavar burada elə də qorxulu deyil, Balaca qız hər şeylə maraqlanan və xeyirxah, Ovçular olduqca qeyri-adidir, Nənə və Ana isə zamanla ayaqlaşır. Əlbəttə ki, əsas süjet xətti dəyişməyib - ana qızını piroqları nənəyə aparmağa göndərir, çünki nənə həm də bir az naxoşdur. Düzdür, məlum olur ki, nənənin nə zökəmi, nə də temperaturu var...
Tamaşa təkcə çox gözəl musiqi, yumor və macəralarla zəngin deyil, həm də interaktivdir. Balaca tamaşaçılar aktyorlarla bərabər tamaşada birlikdə iştiraka dəvət edilib, valideynlər, nənələr və babalar da iştirak ediblər. Uşaqlar və böyüklər həyəcanlı görüşlər və macəra ilə qarşılaşıb.
İnformasiya dəstəyi - Trend.az, Day.Az, Milli.Az
Milli.Az