Fransanın nüfuzlu "La Revue" nəşri Xocalı faciəsinin 25 illiyinə həsr olunmuş məqalə dərc edib.
Milli.Az Trend-ə istinadən bildirir ki, jurnalın mart-aprel ayları üçün çap olunan nömrəsində Xocalı soyqırımı zamanı ermənilər tərəfindən törədilən vəhşiliklər əks etdirilib.
Məqalədə Dağlıq Qarabağ münaqişəsinin tarixindən bəhs olunur və vurğulanır ki, "Human Rights Watch" təşkilatı Xocalı faciəsini "regionun ən böyük qırğını" adlandırıb.
Ermənistan prezidenti Serj Sarkisyan daha əvvəl jurnalistlərə açıqlamasında Xocalı hadisələrinin erməni qoşunları tərəfindən törədildiyini etiraf etsə də, peşmançılıq hissindən uzaqdır. Bu şərtlərdə tərəflər arasında dialoq həqiqətən də çox çətindir.
Milli.Az