Azərbaycanlı rəssam dünya ulduzunun portretini çəkib.
Milli.Az xəbər verir ki, gənc rəssam Vahid Həsənov dünyaca məşhur aktrisa Merilin Monronun portretini yaradıb.
Bir neçə dəqiqə içində məşhur xanımın üz cizgilərini iki boya ilə yaradan rəssam sosial şəbəkədə hər kəsdən müsbət rəylər almağı bacarıb.
Qeyd edək ki, Vahid Həsənov Azərbaycan Memarlıq və İnşaat Universitetinin birinci kurs tələbəsidir.
Gələcəkdə daha böyük uğurlarını paylaşacağımızdan əmin olduğumuz istedadın performansını təqdim edirik.
Ceyhun Ələkbərov
Milli.Az