Dünyanın ən məşhur aktyorlarından biri, Hollivud ulduzu Silvestr Stallonenin srağagün vəfat etməsi ilə bağlı xəbərlər yayılıb. Bu xəbərlər artıq iki gündür ki, sosial şəbəkələrdə geniş müzakirə mövzusuna çevrilib.
Milli.Az Daily Mail-ə istinadən bildirir ki, Silvestr Stallonenin ölümü ilə bağlı "#StalloneDead" heşteqi ilə yayılan xəbərlər ağ yalan, mistifikasiyadır.
"Rembo" və "Rokki" rolları ilə dünyaca məşhurlaşan 70 yaşlı aktyor dünən Beverli-Hilssdə dostları ilə birlikdə alış-verişə yollanmışdı.
O, çox sağlam görünürdü. "Slay" ölüm xəbərlərini şərh etməkdən boyun qaçıraraq "Görürsünüz ki, sağam: axmaqlara inanmayın" deyib.
Milli.Az