Rio-2016-da bu gün atletika yarışlarına start veriləcək.
Milli.Az apasport.az-a istinadən xəbər verir ki, Olimpiadaya bu növ üzrə 4 idmançı ilə yollanan yığmamızın heyətində Anna Skidan "siftə" edəcək.
Milliləşdirilmiş ukraynalı legionerimiz "idmanın kraliçası"nın çəkicatma növündə mübarizə aparacaq. 32 atletin gücünü yoxlayacağı yarışda Skidan B qrupunda yer alıb.
Azarkeşlər bu növdə idmançıların çıxışını Bakı vaxtı ilə saat 03:40-dan izləməyə başlayacaqlar. 24 yaşlı təmsilçimiz start xəttinə B qrupunun 10-cusu kimi çıxacaq.
Milli.Az