Milli.Az Atv.Az-a istinadən bildirir ki, 3 il ərzində hazırlanan robotlar ən çətin şəraitdə belə insanlara kömək etmək gücündədir. Müxtəlif formalı cihaz və 30 kq ağırlığındakı helikopterlərin yük götürmə, avtomatik idarə olunma xüsusiyyətləri var. Ən müasir sistemlərlə təchiz edilən robotlar dağlıq ərazilərdə səyahətə çıxan insanları müşahidə edə, onların hərəkət trayektoriyasını yadda saxlaya bilər. Cihazlar alpinistlərə qar uçqunu zamanı ilkin yardım göstərmək iqtidarındadır.
Məlumata görə, son illər dağlıq bölgələrdə itkin düşən şəxslərin sayında artım müşahidə olunur. Naməlum səbəbdən hər il onlarla insan dağlıq bölgələrdə itkin düşür. Alimlər oxşar vəziyyətdə həmin insanları izləyə, itkin düşən şəxslərin yerini qısa müddət ərzində müəyyən etmək iqtidarında olan bu müasir cihazların işinə çox güvənir.
Mənbə: Milli.Az