Azərbaycan 10 ölkə arasında 8-ci yerdə qərarlaşıb. Onluğa Azərbaycanla yanaşıErmənistan da daxildir. 1000 ballıq sistem üzrə Azərbaycan 786,44, Ermənistan isə 835,79 xal alıb.İrəvan hərbiləşmənin səviyyəsinə görə 10 ölkə arasında 3-cü yerdə dayanır. Birinci yerdə isə İsraildir. Cədvəldəki digər yerləri isəSinqapur, İordaniya, Koreya Respublikası, Rusiya, Cənubi Kipr,Küveyt, Yunanıstan bölüşdürür.
Hərbiləşmənin ən aşağı olduğu ölkələr isə İsveç, İslandiya, Papua -Yeni Qvineya, Liberiya, Qambiya, Kabo-Verde, Sierra Leone,Trinidad və Tobaqo, Albaniya, Maltadır.
Hərbiləşdirmənin qlobal indeksi 0-dan 1000-ə qədər bal cədvəli ilə müəyyən edilib. Hesablama xüsusi kriteriyalar əsasında aparılıb. Statistika ÜDM, səhiyyə xərcləri, silahlı qüvvələrinin sayı və ağır silahların, ölkənin hərbi hissələri, əhalinin və ehtiyata olan hərbiçilərin sayı əsasında müəyyən edilib.Məsələn, Azərbaycan və Ermənistan Dağlıq Qarabağ münaqişəsinə görə hərbiyə digər sahələrdən çox pul ayırır. Bu il aprelin 11-də "Global Firepower" analitik şirkəti dünyada ən güclü ordularının siyahısında Azərbaycan Silahlı Qüvvələrinin adını 60-cı sırada qeyd edib. Ötən il isə siyahıda ölkəmizin adı 64-cü pillədə idi.
9 milyondan artıq əhalisi olan Azərbaycanın müdafiə xərcləri 3 milyard dollardan çoxdur.
Ordumuzda tank sayı 314, hərbi təyyarə 127 ədəd kimi göstərilib. Ermənistanda isə 3 milyondan çox əhalinin müqabilində müdafiə xərcləri 225 milyon dollardır. Tank sayı 116, hərbi təyyarələr isə 63-dür.
Mənbə: ANS PRESS