Anar Məmmədxanovun vəfatından 5 il ötür

Milli Məclisin keçmiş deputatı, "Bakılı Oğlanlar" Şən və Hazırcavablar Klubunun keçmiş kapitanı Anar Məmmədxanovun vəfatından 5 il ötür.ANS PRESS-in məlumatına görə, Anar Məmmdxanov 5 il əvvəl bu gün qəflətən ürək tutmasından vəfat etmişdi.Xatırladaq ki, Anar Məmmədxanov 1970-ci il iyulun 20-də Bakı şəhərində anadan olmuşdu. Bakı Dövlət Universitetinin mexanika-riyaziyyat fakültəsini bitirən A. Məmmədxanov 1992, 1993, 1995-ci illərdə Şən və Hazırcavablar Klubları arasında MDB çempionu, 2000-ci ildə XX əsr çempionu olmuşdu. Avrasiya Radio və Televiziya Akademiyasının üzvüdür. 1991-ci ildən Bakı Şən və Hazırcavablar Klubunun prezidenti, "Bakılı oğlanlar" komandasının kapitanı olub.Birinci, ikinci və üçüncü çağırış Azərbaycan Respublikası Milli Məclisinindeputatı olub.Evli idi, 3 övladı var.23 Aprel 2011-ci ildə vəfat edib. Onun ölümünə səbəb kimi kəskin ürək qan-damar çatışmamazlığı ürəyin işemik xəstəliyi göstərilir.

Mənbə: ANS PRESS