Boksçumuz Cavid Çələbiyev Türkiyədə çempion oldu. ANS PRESS-in məlumatına görə, boksçumuz Türkiyənin Samsun şəhərində 2016-cı il Rio-de-Janeyro Yay Olimpiya Oyunlarına lisenziya xarakterli Avropa Təsnifat Turnirinin qalibi olub.56 kq çəki dərəcəsində çıxış edən dünya çempionu finalda böyük britaniyalı Qais Aşfaq ilə qarşılaşıb. Cavid Çələbiyev hər raundda rəqibindən üstün olub. Münsiflər heyətinin yekdillik qərarı ilə bokçumuz qələbə qazanıb. Çələbiyev ötən gün yarımfinalda Ermənistan təmsilçisi Aram Avaqyanı məğlub edərək finala və Rio-2016-ya lisenziya qazanıb. Samsun turnirində onunla yanaşı, Yana Alekseyevna (51 kq), Cavid Çələbiyev (56 kq), Lorentso Sotomayor (64 kq) və Məhəmmədrəsul Məcidov (+91 kq) da olimpiadaya vəsiqə əldə edib.
Mənbə: ANS PRESS