Amerika Birləşmiş Ştatlarının (ABŞ) sabiq birinci xanımı, Ronald Reyqanınhəyat yoldaşı Nensi Reyqan 94 yaşında dünyasını dəyişib. ANS PRESS-in məlumatına görə, Kaliforniya ştatı Los Anceles şəhəri Bel Eyr qəsəbəsində vəfat edən xanım Reyqanın səhhətində son illər problem yaranmışdı. Reyqanın, ürək çatışmazlığından dünyasını dəyişdiyi bildirilir.
ABŞ-ın mərhum prezidenti Ronald Reyqanla 52 illik evliliyi, Ağ Ev tarixində ən uzun ömürlü məhəbbət əfsanəsinə çevrilib. 1981-1989-cu illər ərzində o ABŞ tarixinin ən nüfuzlu birinci xanımı hesab olunub. Həmçinin Ronald Reyqan 1967 – 1975-ci illərdə Kaliforniyanın qubernatoru olanda Nensi Reyqan həmin ştatın birinci xanımı olub.
Mənbə: ANS PRESS