Hindistanın Mumbay şəhərində təhlükəli yerlərdə "selfie" etmək qadağan olunub.
Milli.Az musavat.com-a istinadən xəbər verir ki, bu barədə məlumat İnterfaks-da yer alıb.
Məlumata görə, bu qadağaya bir neçə bədbəxt hadisədən sonra qərar verilib.
Şəhərdə 16 bölgədə "selfie" etmək qadağandır.
Belə ki, fevral ayında 18 yaşlı tələbə su anbarında "selfie" edərkən suya düşüb. Nəticədə, təkcə tələbə deyil, həm də onu xilas etməyə çalışan yoldaşı da boğulub.
Qeyd edək ki, 2014 cü ildə dünyada "selfie" edən zaman ölən 49 nəfərdən 19-u Hindistan vətəndaşıdır.
Mənbə: Milli.Az