Türkiyənin Əskişəhər bölgəsində Xocalı soyqırımı ilə bağlı konfrans təşkil edən millət vəkili Qənirə Paşayeva Təpəbaşı bələdiyyə başçısı Ahmet Atac ilə görüşüb. Trend-ə verilən məlumata görə, görüş zamanı millət vəkili Qənirə Paşayeva Təpəbaşında Qarabağ parkı salınması təklifini səsləndirib. Bələdiyyə başçısı təklifi mütləq dəyərləndirəcəklərini diqqətə çatdırıb.
Görüşdə iştirak edən Əskişəhərdə fəaliyyət göstərən Azərbaycan Dərnəyinin başçısı Cavid Məmmədov, İzmirdə fəaliyyət göstərən Azərbaycan Qardaşlıq və İşbirliyi Dərnəyinin rəhbəri Asif Qurban da bir sıra fikir və təkliflərlə çıxış ediblər, geniş fikir mübadiləsi aparılıb.
Mənbə: Milli.Az
