Trend Kəpəz TV-yə istinadən məlumat verir ki, Şəmkir şəhəri 2016-cı ilin "Gənclər Paytaxtı" seçilib. Bu seçim Azərbaycanın regionlarında gənclərin fəaliyyətinin genişləndirilməsi və inkişafı məqsədi ilə həyata keçirilir. "Paytaxt" seçilmiş şəhərin gənclərinin regionun ictimai, siyasi və mədəni həyatında daha fəal iştirakı təmin edilir."Gənclər Paytaxtı"nın seçimləri iki mərhələdə həyata keçirilir. Birinci mərhələdə, Təşkilat Komitəsi təqdim edilən sənədlər əsasında səsvermədə iştirak edəcək regionların siyahısını tərtib edir, ikinci mərhələdə isə internet səsvermə yolu ilə "Gənclər Paytaxtı" seçilir.
Mənbə: Milli.Az