Bakıda "Günəşli" yatağındakı 10-cu dərin dəniz özülündə baş verən güclü yanğın nəticəsində itkin düşən 29 nəfər vətəndaşımızın xatirəsi anılıb.Milli.Az Oxu.Az-a istinadən bildirir ki vətəndaşlar bu gün saat 12:00-dan etibarən Bakı Bulvarı, Saat Qülləsində toplanaraq bütün dənizkənarı ərazidən Xəzər dənizinə qərənfillər atıblar, onlar dünyasını dəyişən həmvətənlərimizi yad ediblər.Hadisə yerindən lentə alınan görüntüləri təqdim edirik.Xatırladaq ki, dekabrın 4-də saat 17:40 radələrində güclü tufan nəticəsində "Günəşli" yatağındakı 10 saylı dərin dəniz özülündə yüksək atmosfer təzyiqi ilə işləyən sualtı qaz xəttinin dayaq borusu qırılıb, boru kəməri zədələnib və yanğın baş verib.Xilasetmə əməliyyatı nəticəsində 33 nəfər xilas edilib. 1 nəfər neftçinin cəsədi ailəsinə təhvil verilib, 29 nəfərin axtarışı davam etdirilir.Qeyd edək ki, Anım mərasimi bu gün gecə saat 00:00-a qədər davam edəcək.
Mənbə: Milli.Az