"Barselona" klubu komandanın lideri və bir çox komandaların transfer siyahısında ilk yeri tutan Lionel Messi ilə müqaviləni yeniləmək istəyir.
ANS PRESS-in məlumatına görə, klub rəhbərliyi bunun üçün hazırda zədəli olan argentinalı ulduza fantasik təklif edib.
Katalon klubunun prezidenti Maria Bartomeu bu məqsədlə “Barselona”nın və Argentina yığmasının super ulduzu Messiyə illik 20 milyon avro maaş təklif edib.
Argentinalı futbolçuya edilən təklif bununla bitmir. Messiyə o da təklif olunub ki, əgər razılıq versə, illik daha 5 milyon avro mükafat da alacaq.
Mənbə: ANS PRESS