Serial dünən ABŞ-ın Los-Anceles şəhərindəki "Microsoft" teatrında keçirilən Emmy mükafatlarının təqdimat mərasimində bu titula layiq bilinib.Milli.Az TMZ-yə istinadən bildirir ki, serial "Ən yaxşı drammatik serial" nominasiyasının da qalibi olub."Ən yaxşı komediya serialı" nominasiyasında "Veep" siyasi komediyası rəqibləri üstələyib.Beləcə, HBO telekanalının iki serialı əvvəlki illərdə sürəkli mükafatlar almış "Mad Men" (AMC telekanalı) və "Modern Family"ni (ABC) geridə qoyub.ABC telekanalındakı "How to Get Away with Murder" drammatik serialındakı hüquqşünas roluna görə Viola Devis "Drammatik serialın ən yaxşı aktrisa" nominasiyasında qalib olub. Beləcə o, Emmy-də drammatik seriallar nominasiyasının ilk qaradərili qalibi olub.Emmy ABŞ-da televiziya sahəsində əsas mükafatdır və hər il Amerika Televiziya Akademiyası tərəfindən təqdim olunur. Mükafat "Oskar"ın televiziya üçün ekvivalenti sayılır.Dünənki mərasimin qırmızı xalısında parlayan ulduzlar arasında Sofiya Verqara, Kerri Vaşinqton, Kristina Hendriks və Kler Denis də vardı.
Mənbə: Milli.Az