Bu problemin həllini hamı gözləyir

Sentyabrın 17-də Bakı -Sumqayıt yolunda yüksək sürət və sürücünün sükan arxasında yuxulaması səbəbindən baş verən qəza bir daha sübut etdi ki, nəqliyyat sistemində ciddi problemlər var. Avtobus sürücülərinin bu məsuliyyətisizliyi dəfələrlə insan ölümünə səbəb olmaqla yanaşı, həm də onlarla sərnişinin yaralanmasına səbəb olur. 
ANS PRESS-in məlumatına görə, ümumilikdə bu ilin 8 ayında 500-dən artıq yol qəzası baş verib, təxminən 120 nəfər isə həyatını itirib. Bu qəzaların əksəriyyəti ictimai nəqliyyatla bağlıdır. BDYPI-nin şöbə rəisi Kamran Əliyevin sözlərinə görə, bu ilin 8 ayında avtobusların iştirakı ilə 59 yol nəqliyyat hadisəsi baş verib. Bu qəzalarda 22 nəfər dünyasını dəyişib, 63 nəfər isə yaralanıb. Ötən ilin müvafiq dövrü ilə müqayisədə qəzaların sayında 2 fakt artıb, ölü sayı isə 2 nəfər azalma müşahidə olunur.

Mənbə: ANS PRESS