Kəbədə ölənlərə şəhid statusu verildi

Səudiyyə Ərəbistanının Məkkə şəhərində yerləşən müqəddəs Kəbədə 107 nəfərin ölümü, 238 nəfərin yaralanması ilə nəticələnən faciə zamanı dünyasını dəyişənlərə xüsusi status verildi. ANS PRESS-in məlumatına görə, “Haber7.com” saytı Səudiyyə Ərəbistanı Həcc və Ümrə nazirliyinə istinadən xəbər verir ki, hadisə zamanı vəfat edənlər şəhid sayılacaq. Bildirilib ki, bir zəvvar Kəbə yolunda qəza nəticəsində vəfat edərsə şəhid sayılır. Həmçinin onların cənazə namazları üzləri açıq şəkildə qılınır və Məkkə şəhərindəki Musayim qəbristanlığında dəfn olunurlar. 

Mənbə: ANS PRESS