İstilər geri qayıdır

Yaxın iki gün ərzində ölkə ərazisində mülayim hava müşahidə olunacaq. Ekologiya və Təbii Sərvətlər Nazirliyinin Milli Hidrometeorologiya Departamentindən ANS PRESS-ə verilən məlumata görə, iyulun 10-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi gündüz cənub-şərq küləyinə keçəcək. Bakıda və Abşeron yarımadasında iyulun 10-da havanın temperaturu gecə 22-26Лљ, gündüz 31-36Лљ isti olacaq. 
Azərbaycanın rayonlarında da iyulun 10-da hava şəraitinin əsasən yağmursuz keçəcəyi gözlənilir. Mülayim şərq küləyi əsəcək. Havanın temperaturu aran rayonlarında gecə 22-27Лљ, gündüz 34-39Лљ, dağlarda gecə 13-18Лљ, gündüz 25-30Лљ isti olacaq. 
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, bu gün və sabah ölkə ərazisində temperaturun yüksək olması və rütubətli hava meteohəssas insanlar üçün əlverişsizdir.

Mənbə: ANS PRESS