Azərbaycan boksçuları I Avropa Oyunlarında yarışlar başlayıb. ANS PRESS-in məlumatına görə, Azərbaycan idmançısı Teymur Məmmədov yarımağır çəki dərəcəsində Böyük Britaniyadan Joşua Buatsi ilə mübarizə aparıb.
1/16 final mərhələsində gərgin mübarizə şəraitində keçən görüşdən Teymur üzü ağ çıxıb. Boksçumuz son nəticədə 3:0 hesablı qələbə qazanaraq növbəti 1/8 final mərhələsinə adlayıb.
Bu mərhələdə onun rəqibi - Nikol Arutyunov (Ermənistan) məğlub edən Yordan Kulinski (Polşa) olacaq.
Qeyd edək ki, təmsilçimiz Kollazo Sotomayor isə kişilər arasında birinci yarımorta çəki (64 kq) dərəcəsi üzrə 1/16 final mərhələsində Sloveniyadan Edin Sejdinoviçlə üzləşəcək.
Mənbə: ANS PRESS